Trajneri i Liverpool, Arne Slot, ka pranuar se skuadra e tij aktualisht nuk po luan në nivelin që kërkon ky klub me standarde të larta.

Liverpool ka fituar vetëm një nga shtatë ndeshjet e fundit në kampionat dhe aktualisht renditet në vendin e gjashtë, plot shtatëmbëdhjetë pikë pas liderit, Arsenal. Humbja e pikëve në minutat e fundit ndaj Fulham dhe Manchester City e ka rënduar edhe më shumë situatën.

Tekniku holandez ka thënë se edhe barazimet përjetohen si humbje, gjë që po i zhgënjen lojtarët.

“Në këtë klub, edhe barazimi ndihet si humbje. Lojtarët e dinë çfarë do të thotë standardi i Liverpoolit dhe aktualisht nuk po luajmë në atë nivel. Kjo i zhgënjen edhe ata vetë”, ka deklaruar Slot.

Ai ka shtuar se besimi te skuadra ekziston, por rezultatet nuk po e pasqyrojnë këtë. “Lojtarët besojnë se mund të garojnë me këdo në botë, por faktet tregojnë se nuk po e arrijmë nivelin e duhur”, ka theksuar Slot./rtk